Герман дахь Монгол сургуулийн хүүхдүүдийн урлаг, спортын 3-р наадам

2018 оны 4 сарын 27-29 ний өдрүүдэд Берлин хот Майдар холбооны дэргэдэх „МОНГОЛ“ сургуулийн багш сурагчид, эцэг эхчүүд хамтран монгол сургуулиудын хүүхдийн урлрг спортын „Бидний ирээдүй“ сэдэвт 3 дугаар наадмыг Берлин хотноо зохион байгуулах гэж байна.

Энэхүү “Бидний ирээдүй” хүүхдийн наадамд Герман улс дахь 6 монгол сургуулиас нийт 100 гаруй хүүхэд, эцэг эх, багш нар оролцохоос гадна Европын бусад оронд монгол хэлний сургалт явуулж буй 40 орчим багш нар хүрэлцэн ирж, бидний үйл ажиллагаатай танилцаж, туршлага солилцож байгаагаараа нэн онцлогтой, өргөн хүрээнд явагдах үйл ажиллагаа юм.

 

 

Энэ хүүхдийн наадмын гол зорилго нь:

 

Хилийн чанадад амьдарч буй монгол хүүхдүүдэд монгол соёл урлаг, монгол үндэсний спортыг сурталчлан таниулахын зэрэгцээ эх хэлээ сурах урам зориг, хүсэл эрмэлзлэлийг нь бадраах

Монгол сургуулийн хүүхдүүд монгол хэл, ёс заншлаа хэрхэн сурч буйгаа багш, эцэг эхчүүд болон нийт үзэгчдэд харуулахын зэрэгцээ бусад найз нөхөддөө үлгэр дуурайлал үзүүлэх.

Хүүхдүүд өөр хоорондоо монголоор ярилцан танилцаж ,монгол хэл сурах арга барилаасаа харилцан туршлага солилцох, монгол орчинд нэгэн өдрийг мартагдашгүй сайхан дурсамжтай өнгөрүүлэх.

Хаяг

FFZ Blossin

Kolberger Straße 13, 15754 Heidesee

хүүхдийн зусланд болно.

Бидэнтэй Холбоо барих

утас : +49 ‎174 321 4144,

Э.Майл : maidar.berlin@yahoo.de

Хүүхдүүдийнхээ авъяас чадварыг сорин бусад хотын монгол хүүхдүүдтэй танилцуулж, дурсамж дүүрэн өдрүүдэд хүрэлцэн ирэхийг уриалж байна

Зохион байгуулагч “МОНГОЛ” сургуулийн багш нар болон эцэг эхийн хамт олон

 

Kommentar hinterlassen

Deine E-Mail-Adresse wird nicht veröffentlicht. Erforderliche Felder sind mit * markiert.